قل أعوذ برب الناس.. قصيدة جديدة لـ "محمد طلبة رضوان"

قل أعوذ برب الناس

من شر اللي يذل الناس

ويرازي في أرزاق الناس

ويزود أوجاع الناس

قل أعوذ برب الناس

من كل عويل يشتم في "حماس"

من كل ذليل يقتل حراس

من كل اللي يزايد ع الدم

أو داق واتمنى لغيره الكاس

قل أعوذ برب الناس

م القسوة اللي في قلب الناس

والخسة اللي في طبع الناس

وشماتة أرزال الناس

في مصايب وبلاوي الناس

قل أعوذ برب الناس

م الحفرة اللي وقعنا في جوفها

والخلق اللي بتجري لخوفها

والعين الجاحدة اللي بتنكر

شايفاها ومش عايزة تشوفها

قل أعوذ برب الناس

من ناس بالاسم في وسطينا

أسمائهم تشبه أسامينا

عناوينهم لابدة في حوارينا

وموافقين إننا ننداس

قل أعوذ برب الناس

من مركب غرقان ع البر

من تبرير الخير للشر

من غلطان عارف، ومُصِر

من كل اللى مادقش الناس

قل أعوذ برب الناس
من شايف ويقول مش شايف

من شاهد ساكت أو خايف

من لايف على طير مش لايف

من صوت الباطل وسواس

قل أعوذ برب الناس

من يائس من بكرة الجاي

من ميت ويقول أنا حي

م الطري والممحون والني

كان طيب أو كان خناس

قل أعوذ برب الناس

قل أعوذ برب الناس

---------------------------------------------------------------------------

** مقالات متميزة تستحق المشاهدة ⧭❃✪✪

1. سماع وتحميل البوم عمرو دياب الجديد - معدي الناس 2017
2. "احنا جيل اللي شايب وهو شباب" - كلمات اغنية "اسمعني" - حمزة نمرة
3. قصيدة ارجع بأه - للشاعر الكبير جمال بخيت
4. إسكندرية الصبية - حنان ماضي -كلمات سيد حجاب
5. جحا قصيدة - للشاعر هشام الجخ
6. سماع وتحميل ألبوم اسمعنى - Hamza Namira حمزة نمرة
7. قل أعوذ برب الناس.. قصيدة جديدة لـ "محمد طلبة رضوان"
8. صلاح جاهين
9. من أروع قصائــد الإمام الشافعي
10. حمزة نمرة - وأقولك ايه - كلمات